حتى لا….ننسى
manoiaalfadil18@gmail. com
خلونا راشدين نحن فى محنة حقيقية…
(اعادة ولابد منها)
الحرب ياها الحرب مافى اى شئ جديد او مختلف ..تقاطعات مصالح لحاملين السلاح ،، وتغيير كامل لمواطنين لا حول لهم ولا قوة غير ( انهم يتفرجوا او يتقتلوا او يتشردوا ) فلذلك ومن اجل ما سيحدث لنا نحن الضائعين،،
نحن محتاجين وقفة صدق وضمير مع انفسنا وسؤالها ونجاوب بكل صدق ليها،، انت مع الحرب ولا مع السلام وفى الحالتين ليه ?
اذا اى زول قدر يجاوب نفسه بكامل الصدق وانه على حق بعيدا عن الانا والمصالح الخاصة ووضعك ووضع البهموك فقط والباقى يهلك !!! لطفا فكر بإنسانية ،، لأنه دى حرب مصيرية اى طرف فيها حا يكسب معناها تغيير شامل كامل فى اى شئ ولن يظل اى شى زى ما كان حتى لو عاد حكم الكيزان المتأسلمين الذين لا يرون الا انفسهم وتوجههم .. ما حا تلقى نفسك ووضعك وتميزك الزمان لأنه فى حسابات جديدة تماما عن الاول طالما جابوها بالخراب ده وهدموا اى شئ والوطن ما حا يهمهم تانى اى شى او زول ،، واذا انتصر الدعم السريع برضو حا يكون تغيير توتلى لما كان عليه ولا نعلم كيف سيكون لأنهم حا يكونوا اول مرة يصلوا الحكم اشخاص كانوا مهملين ومأخوذ حقهم احقاب وازمان ولت!! لذلك افضل اى واحد مننا مهما كان توجهه افضل ليه يقرر بصدق وبى هم وحب للوطن وقومية الفكرة والنظرة المستقبلية ومصلحة الجميع ، خلاف ذلك فمرحبا بالمجهول من الطرفين ونأمل أن لا نكون نتحدث عن نهايات وطن كان اسمه السودان …
رأى انا وحديثى من قلبي 
# لا للحرب العبثية ونعم للسلام ولوطن غالى يصعب علينا ضياعه..
هذه شهادتى لله وللوطن وللتاريخ…
دمتم بخير…
